JUAN AYESTA
1960 | Beasain | Euskal Herria

Juan Ayesta (1960).  Artista espainiarra, Euskal Herriko herrixka batean jaio zen, Beasainen.

Bokazio goiztiarrarekin, txikitatik marrazkigintzak eta pinturak erakarri zuen. Hirurogeita hamarreko hamarkadaren amaieran bere belaunaldiko margolarien artean errekonozimendu handia lortu zuen, Euskal Herrian sari esanguratsuen bidez. 

1983an Eusko Jaurlaritzak Arte Ederretako beka eman zion.Italiara joan zen bizitzera, eta bertan Florentzian eta Milandan bizi izan zen, Memphis diseinua, Transvangarde italiarra, Neoespresionimo alemaniarra etab. bezalako mugimendu artistikoak gertutik esperimentatzen zituen bitartean. Honek arrastoa utzi zuen  bere ondorengo obretan.

Italian hiru urte egon ondoren, 1986an itzuli zen Euskal Herrira. Hiru hamarkadatan, diseinua eta garapen artistikoa uztartu ditu, batez ere pinturan. 2018an, diseinuko jarduera profesionala alde batera utzi zuen, jarduera artistikoetan bete-betean aritzeko. Gaur egun, bere obra artistiko pertsonala garatzen dihardu, bai pinturan bai eskulturan, eta, batzuetan, gertuko beste artista batzuen erakusketak komisariatzen ere.

Ayestaren lana, bereziki laurogeiko hamarkadaren erdialdera, esperimentazio plastiko etengabea da, eta materialtasuna elementu errepikakorra da bere ibilbide piktorikoan. Arreta berezia jarriz konposizioan, kolorean eta ehunduretan, bere kezkak adierazteko oinarrizko elementuak baitira.

Beti aktualitateari adi, ingurumenaren narriadurarekin, kutsadurarekin, hondamendi naturalekin eta gizakiak eragindakoekin zerikusia dutenak dira bere estimulu nagusiak. Bere piezak sortzera motibatzen eta bultzatzen duten gaiak. Bere errepertorio plastikoaren beste ezaugarri bat, gazte-gaztetatik, topaketarekiko zaletasuna izan da, objektu pobre, abandonatu edo zaharkituen berreskurapena eta berrerabiltzea. Beste elementu batzuek ere estimulatzen dute – ukigarriak eta ukiezinak –, hala nola metaforek, zeinuek, esanahiek, zoriak, espazioari eta denborari buruzko hausnarketak, iragankortasunak, akatsek, hutsuneek, presentziek eta absentziek.

Azken urteetan, enkargu batzuk jaso ondoren, pinturaren praktika eskulturarekin batera uztartzen du. Eskulturan, bere esperimentazio plastikoak giza adierazpena eta jarrera ikertzera eraman du, batez ere burdinurtuzko obrak garatuz obra publikoetarako eta aluminio urtuzkoak barnealdeko lanetarako.